遊記避疫嶼山景物介紹

廟墩南崖 (201012Facebook)

一號風球,取態優悠,唔行咁遠,不假外求,
嶼山勝景,包羅萬有,如何取捨,𢯎爆個頭。
廟仔墩頂,近在左右,目標鎖定,稍作綢繆,
屋企起步,行去就夠,車都唔搭,減排一流。
愉景豪宅,用地廣袤,掠奪山徑,早有圖謀,
昔日標柱,得如唾手,如今攀石,始可一遊。
登紅水山,轉身回眸,犁地翻土,為打高球,
頂上舊標,化為烏有,填封石屎,即係榮休。
續走梅窩,經過涌口,袁氏大屋,仲有更樓,
南山古道,緩緩上走,大牛湖頂,不作久留。
貝澳天后,歷史悠久,翻新除舊,正值維修,
美侖美奐,需要時候,照常開放,未見人流。
廟墩南崖,崢嶸峻秀,心儀好耐,從未訪遊,
戰戰兢兢,空拳赤手,孤身獨探,險過剃頭。
身陷草莽,頭大如斗,石河之上,稍歇回頭,
望東灣後,有石鼓洲,煙波浩淼,解慮消愁。
石崖之上,有爬山扣,攀登勝地,咪話佢流,
附壁而行,不能顫抖,接回山徑,變返郊遊。
落到貝澳,涉渡河口,沙灘之上,見有水牛,
聯群浴日,不相爭鬥,至高境界,無欲無求。
行程至此,已到最後,驀然回首,細味從頭,
箇中經歷,有如醇酒,半癡半醉,心中永留。

https://www.facebook.com/LiWaiOn/media_set?set=a.10223872374213342&type=3

二零二零年十月十二日
愉景灣,紅水山,銀礦灣泳灘,梅窩洪聖古廟,袁氏大屋,鹿地塘,南山,大牛湖頂,十塱坳,貝澳天后宮,廟墩南崖,廟仔墩頂,十塱坳,貝澳天后宮,貝澳泳灘,嶼南道。(20.2km)

https://my.viewranger.com/track/details/MTY1NjkyNDE=
標準
孤芳集

目 錄

  1. 馬拉松越野賽的回顧與前瞻 (900410文匯報)
  2. 翻山越嶺 連跑帶奔 健兒腳下 步步是金(901127文匯報)
  3. 茜草灣三山國王古廟(901225文匯報)
  4. 牛池灣後晨運勝地 斧山頂上別有風光(910108文匯報)
  5. 萬丈布上步道被封 郊遊人士深感不便(910618文匯報)
  6. 郊野活動 安全緊記 死亡教訓 山不可欺(910702文匯報)
  7. 行友捐款 合力興建 茅坪坳避雨亭落成(910910文匯報)
  8. 餵飼野猴 提防受襲(911203文匯報)
  9. 旅行與馬拉松越野賽(911217文匯報)
  10. 大帽山賞冰(920107文匯報)
  11. 港島東極—鶴嘴(920218文匯報)
  12. 城門水塘觀奇景(920526文匯報)
  13. 旅行資料謬誤多(920623文匯報)
  14. 下城門水塘(920721文匯報)
  15. 扯旗山石龜(921013文匯報)
  16. 同享登山樂(921124文匯報)
  17. 慈雲山上賞奇石 “飛來""將軍"一線連遊(921208文匯報)
  18. 獅子山遺墨(930406文匯報)
  19. 道風山新景(930629文匯報)
  20. 渣甸山石毬(930706文匯報)
  21. 紅梅谷自然教育徑(930713文匯報)
  22. 鳳凰大帽 誰領風騷(930914文匯報)
  23. 針山陡稜可登頂(930928文匯報)
  24. 大棠自然教育徑(931019文匯報)
  25. 香港島西灣山導遊(940125文匯報)
  26. 象山奇石 仙人曬靴(940301文匯報)
  27. 沙頭角仰攀梧桐山(940531香港商報)
  28. 赤鱲角天后宮新貌(940628文匯報)
  29. 城門飛瀑(940802文匯報)
  30. 船灣淡水湖溢洪(940916文匯報)
  31. 下城門峽谷別有洞天(941227文匯報)
  32. 賞十字奇石 訪考古遺址 花瓶灣扒頭鼓連走(950117文匯報)
  33. 麥理浩徑標距柱(950124文匯報)
  34. 聚星樓近貌(950207文匯報)
  35. 「危險山徑 切勿內進」告示內容值得商榷(950314文匯報)
  36. 麗江古城 玉龍雪山 銀光閃爍氣勢磅礡(950411天天日報)
  37. 觀瀑登山竟無合法之途(950418文匯報)
  38. 新增巴士線 來往北潭涌(950502文匯報)
  39. 遠遊新界西極—青山爛角嘴(950509文匯報)
  40. 彌勒山近瞰嶼北新貌 彌散石澗溯源(950523文匯報)
  41. 山火與郊遊野炊(950620文匯報)
  42. 黃金泳灘(950627文匯報)
  43. 海下響石河(950704文匯報)
  44. 畫眉山上六亭連賞(950718文匯報)
  45. 談西貢郊區地圖錯漏(9508郊聯旅訊)
  46. 城門水塘洩洪奇景(950815文匯報)
  47. 標距柱近況(950905文匯報)
  48. 灣仔自然徑(950926文匯報)
  49. 快把大潭灣畔風光留住(951107文匯報)
  50. 「樓閣翼起 佛影凌空」 昂坪新公廁啟用(951121文匯報)
  51. 郊區車站新標誌(951212文匯報)
  52. 旅德淺談(9601郊聯旅訊)
  53. 秦始皇的玉璽? 秦石邨因以為名的巨石(960109文匯報)
  54. 昔日「西貢郊野中心」 新闢「蕉坑自然教育徑」(960123文匯報)
  55. 提防山賊(960206文匯報)
  56. 遊覽天壇大佛 不收任何費用(960227文匯報)
  57. 汲取山火教訓 以免重蹈覆轍(960305文匯報)
  58. 近賞青馬汲水門兩大橋(960326文匯報)
  59. 春風亭落成有感(9604郊聯旅訊)
  60. 羅屋民俗館(960402文匯報)
  61. 登九徑山新步徑(960416文匯報)
  62. 梧桐引玉(9605郊聯旅訊)
  63. 再版大嶼山郊區地圖 現已公開發售(9606郊聯旅訊)
  64. 大嶼山界碑重歸原位(960611文匯報)
  65. 昂坪華嚴塔(960625文匯報)
  66. 廁身鬧市 古蹟為鄰 李鄭屋漢墓與漢花園(960702文匯報)
  67. 豬籠草(960716文匯報)
  68. 大潭灣畔無字碑探奇(960730文匯報)
  69. 以季為秊 失之於偏(9608郊聯旅訊)
  70. 高壓電纜塔架(960827文匯報)
  71. 香港群山(9609郊聯旅訊)
  72. 沖溝(960903文匯報)
  73. 引水道與溢流堰(960917文匯報)
  74. 也談守時(9610郊聯旅訊)
  75. 剌葵(961022文匯報)
  76. 群山內蘊(9611郊聯旅訊)
  77. 山賊猖獗對行友的影響(961105文匯報)
  78. 沙田環保教育徑(961112文匯報)
  79. 地名同音字–蒲莆埔圃甫舖(961119文匯報)
  80. 大帽山(961126文匯報)
  81. 三山馬拉松賽停辦有感(9612郊聯旅訊)
  82. 西貢西郊野公園灣仔擴建部分 棺材角半島(961203文匯報)
  83. 漫步港島扯旗山 參觀醫學博物館(961210文匯報)
  84. 小心看管小童(961217文匯報)
  85. 鶴嘴海岸保護區(961224文匯報)
  86. 從路跡看行友心態(9701郊聯旅訊)
  87. 取代昔日橫水渡──大澳涌行人橋(970107文匯報)
  88. 荃錦自然教育徑(970114文匯報)
  89. 旅隊與行友(9702郊聯旅訊)
  90. 沙螺灣畔看罾棚(970211文匯報)
  91. 南山樹刻(970218文匯報)
  92. 化險為夷(9703郊聯旅訊)
  93. 標距柱準確性受質疑(970311文匯報)
  94. 大嶼西南極地環走 石筍探奇 古堡尋幽(970325文匯報)
  95. 旅行活動的發布渠道(9705郊聯旅訊)
  96. 漫遊粉嶺五圍六村 連訪龍山寺與鄧公祠(970520文匯報)
  97. 青馬大橋馬拉松紀實(9706郊聯旅訊)
  98. 筆名! 不名?(9707郊聯旅訊)
  99. 八高連登(9709郊聯旅訊)
  100. 力爭上游( 九八毅行計劃紀念特刊)
  101. 旅行刊物宜數據化(9801郊聯旅訊)
  102. 馬拉松越野賽再現新機(9804郊聯旅訊)
  103. 領隊有責(9806郊聯旅訊領隊專欄)
  104. 看了一篇《看了一篇《序》的感受》的感受(9807郊聯旅訊)
  105. 旅文(9808郊聯旅訊)
  106. 領隊手記(9906郊聯旅訊領隊專欄)
  107. 一個異見人士的回應(9907郊聯旅訊)
  108. 另類領隊(9908郊聯旅訊)
  109. 莫為五秒鏡折腰(9909郊聯旅訊)
  110. 中暑?(9910郊聯旅訊)
  111. 毅行者的心聲 麥理浩徑全走今昔(991130文匯報)
  112. 大教訓與獲益良多(0106郊聯旅訊領隊專欄)
  113. 給警務處長的一封公開信(040516)
  114. 四川地震(080619健行之友網頁)
  115. 大澳洪災(080623健行之友網頁)
  116. 雨後嶼山–鳳凰造極(080715健行之友網頁)
  117. 香港奧運徑(080801Facebook網誌)
  118. 職場四十年(080816Facebook網誌)
  119. 浮生一日閒(080820Facebook網誌)
  120. 雨後嶼山–毅行計劃之九(090111健行之友網頁)
  121. 山野曾灶財–張炳奴(090508健行之友網頁)
  122. 回歸十二年(090706Facebook網誌)
  123. 行山拾趣(090728Facebook網誌)
  124. OTW2013西灣改路走少3K?(131116Facebook網誌)
  125. 賊過興兵 也談捷徑(131201Facebook網誌)
  126. 老虎頭上看地圖(141221Facebook網誌)
  127. 國慶佔鐘(150103Facebook)
  128. 京華春夢(150304Facebook網誌)
  129. 黃竹角嘴(150316Facebook網誌)
  130. 重上大帽山(調寄水調歌頭)(150429Facebook)
  131. 抗戰紀念設施遺址(150901Facebook網誌)
  132. 久違了的鶴嘴(150905Facebook網誌)
  133. 冰封鳳凰山(160125Facebook網誌)
  134. 漁護署對行友嘅德政(160206Facebook網誌)
  135. 一碉還有一碉高(160218Facebook網誌)
  136. 香港北極—白虎山(160302Facebook網誌)
  137. 行山人,自強不息啦!(160318Facebook網誌)
  138. 山徑石屎化(160716Facebook網誌)
  139. 援鳥記(170125Facebook)
  140. 人字拖上老虎頭(170614Facebook網誌)
  141. 踢拖上鳳凰(170704Facebook網誌)
  142. 赤柱破浪 淺水乘風(170731Facebook)
  143. 螺洲白排 蒲台古宅(171002Facebook)
  144. 黃麻赤柱 舂坎銀洲(171016Facebook)
  145. 赤洲半繞 塔門尋標(171110Facebook)
  146. 螺洲赤柱 舂坎銀洲(171116Facebook)
  147. 黃石「高」旅(180112Facebook)
  148. 大潭舂坎 聖士提反(180328Facebook)
  149. 鹽田玉帶 黃宜曝罟(180416Facebook)
  150. 黃麻狗髀 石澳大頭(180427Facebook)
  151. 墨洲南角 雷音蟹洞(180528Facebook)
  152. 赤柱得遊 速把神酬(180628Facebook)
  153. 蒲台一島 螺羅二洲(180706Facebook)
  154. 赤柱強風 大潭暴雨(180719Facebook)
  155. 狗髀石澳 依樣葫蘆(180727Facebook)
  156. 黃麻舂坎 銀洲淺水(180731Facebook)
  157. 大潭赤柱 兩灣連遊(180821Facebook)
  158. 丫洲三門 洋洲馬屎(180827Facebook)
  159. 塔門赤洲 舊地重遊(180910Facebook)
  160. 未環赤洲 冇到高流(181001Facebook)
  161. 南風赤洲 塔門高流(181015Facebook)
  162. 棺材鬼手 玩埋赤洲(181105Facebook)
  163. 東海觀洞 沙塘吊鐘(181119Facebook)
  164. 虎鳳兩笏 深泥二涌(181126Facebook)
  165. 海下塔門 高流深灣(181130Facebook)
  166. 狗髀五分 大頭石澳(181203Facebook)
  167. 鶴嘴瀑布 大潭廢堡(181210Facebook)
  168. 明知山冇火 偏向火山行(181216Facebook網誌)
  169. 划獨木舟 鹽田梓遊(181231Facebook)
  170. 銀洲鴨脷 熨波舂坎(190110Facebook)
  171. 黃石赤洲 紅鷹黃茅(190117Facebook)
  172. 遊沙塘口 環滘西洲(190222Facebook)
  173. 龍尾汀角 三門馬屎(190225Facebook)
  174. 沙塘口洞 進退從容(190311Facebook)
  175. 南風海下 塔門深灣(190318Facebook)
  176. 滘西大蛇 沙橋蠄蟧(190408Facebook)
  177. 舂坎銀洲 熨波淺水(190415Facebook)
  178. 汀角沙欄 馬屎洋洲(190513Facebook)
  179. 石澳鶴嘴 真正高旅(190610Facebook)
  180. 我冇嘢講(190613Facebook網誌)
  181. 大潭赤正 黃麻聖記(190617Facebook)
  182. 銀洲鴨脷 深淺水灣(190710Facebook)
  183. 銀洲鴨脷 熨波頭洲(190809Facebook)
  184. 沙塘口洞 奇岩吊鐘(190909Facebook)
  185. 赤柱狗髀 大浪石澳(190926Facebook)
  186. 赤正高旅 訪南角嘴(191004Facebook)
  187. 狗髀土地 監獄羅洲(191020Facebook)
  188. 南風棺材 東風孝子(191021Facebook)
  189. 大蛇蠄蟧 東丫北丫(191118Facebook)
  190. 海下之旅 塔門冇去(191223Facebook)
  191. 銀洲鴨脷 龍山火藥(191227Facebook)
  192. 曝罟復興 鹽田浪芒(191230Facebook)
  193. 銀鴨龍火 四標重遊(200118Facebook)
  194. 羅州赤柱 舂坎黃麻(200120Facebook)
  195. 沙塘吊鐘 滘西橋嘴(200124Facebook)
  196. 武漢肺炎(200529Facebook)
  197. 一號風球 弓洲赤洲(200613Facebook)
  198. 赤柱大潭 兩灣連遊(200622Facebook)
  199. 南風海下 攔路涌沙(200626Facebook)
  200. 老虎荔枝 烏洲馬屎(200630Facebook)
  201. 潭篤爛泥 潭頭黃麻(200703Facebook)
  202. 過大潭頭 繞黃麻角(200706Facebook)
  203. 疫下嶼西(200720Facebook)
  204. 九碼連遊(200727Facebook)
  205. 三山七碼(200803Facebook)
  206. 嶼東山嶺(200810Facebook)
  207. 虎頭鹿頸(200817Facebook)
  208. 嶼山四秀(200824Facebook)
  209. 嶼西山嶺(200831Facebook)
  210. 寺在嶼山(200907Facebook)
  211. 嶼東天后(200914Facebook)
  212. 嶼西天后 洪聖楊侯(200921Facebook)
  213. 水口郊遊(200928Facebook)
  214. 東大蠱道(201005Facebook)
  215. 廟墩南崖(201012Facebook)
  216. 蒲台天后 南角尋幽(201019Facebook)
  217. 銀洲深水 頭洲黃麻(201030Facebook)
  218. 環鴨脷洲 登玉桂山(201106Facebook)
  219. 大蛇蠄蟧 雞洲大頭(201116Facebook)
  220. 龜背土地 狗髀石澳(201120Facebook)
  221. 抗疫(調寄水調歌頭)(201127Facebook)
  222. 銀洲赤洲 塔門高流(201130Facebook)
  223. 田下魚翁(201207Facebook)
  224. 千島楓香(201221Facebook)
  225. 廟走屯門(201223Facebook)
  226. 青山天水(201228Facebook)
  227. 虎頭四秀(210104Facebook)

標準
遊記

虎頭四秀 (210104Facebook)

  為咗行完仲有晚飯堂食,可以去到幾盡?早啲起步囉,邊個叫你行得慢啫!食完早餐,七點落樓上老虎頭,東崖堆亂石好耐冇玩過,竟然畀人行咗條路出嚟,頂上面個墓,前面啲雜草都畀人踩死哂,喺度野餐都得。前日二白坳上老虎頭,趕住出東涌食飯,冇上到頂,今日補返數,Q咗今年第一枝標。
  全走老虎頭郊遊徑,中途上埋望渡坳枝標,多年宿願,一朝得償,上去嗰陣,樹叢有個虎頭蜂巢,好彩啲蜂未瞓醒,先至幸免於難。出到奧運徑涼亭,遇到一位走雙極嘅年青人,一齊行咗一段,跟住畀佢抛甩係必然。條路明顯咗好多,唔使點搵,沿筆直嘅山路上鴨腳瀝,回望返老虎頭,何其渺小,就嚟到頂,又見返頭先位年青人,佢要休,我繼續,頂上接大路續上蓮花山,人影都唔多個。
  落雙東坳接鳳徑,開始見人流,但亦止於上大東個路口,大東頂落返鳳徑,跳板石始終係集結人氣嘅好地方。下走伯公坳途中,大東山一號觀景台峻工,登臨攬勝,嶼南景色盡收眼底。逆住上山人流落山,雖然有啲肚餓,步伐尚算輕鬆,落到伯公坳,用咗五粒鐘。
  食完午餐上鳳凰,今次唔見有人玩滑翔傘,想停低影相順手唞吓都冇機會,捱到上頂,好旺場。影幾幅相走人,天梯落昂坪,人流不絶,出昂坪高原牌坊前見返走雙極嗰位年青人,心經簡林外同聲道別,分道揚鑣,睇返時間,鳳凰山用咗個半鐘,似乎快咗啲。
  東山法門緩步上彌勒,一路行一路諗點撤退,由於上次行救援徑,今次不如改變吓,最後決定揀法門古道,貪佢快,早知調轉行咪慳返啲路程囉!登頂後不走回頭路落山,經銅鼓石出昂坪,順手影番幾張工程中大佛相,跟住匆匆落山,不能怠慢,行遲半步,唔使食飯。

二零二一年一月四日
愉景灣,老虎頭,老虎頭郊遊徑,鴨腳瀝,蓮花山,雙東坳,大東山,伯公坳(大休),鳳凰山,斬柴坳,東山法門,彌勒山,昂坪,東山法門,地塘仔,東涌鐵路站。(28.8km)

標準
遊記

青山天水 (201228Facebook)

  屯赤隧道通車,大大縮短屯門同大嶼山之間嘅車程,巴士開通首日,東涌試搭E33,0750泳池開車,未到裕東苑站樓上已滿座,心諗佔咗上班人士一個座位,真係有啲歉意。一出隧道,青山隨即影入眼簾,轉車站後,見迴旋處山邊全被鐵絲網圍封,弊!0811屯門騎術學校落車,回走龍門路上龍富路,過迴旋處希望搵到路上山,見有警車同好多採訪車泊喺度做嘢,唔好諗嘞,褪返轉頭,見鐵絲網有破綻,擺明就係登山口啦,呢條巴士線,似為東涌過嚟上青山度身訂做!
  背住冬日偏南嘅太陽上山,路唔算難行,仲有東風相伴,按自己步伐,沿途影吓相、上吓Facebook、出吓Whatsapp,尚算輕鬆。青山頂冇上過好耐,次次都喺下面過,今次早,未見人流,跨過主峰落韓陵片石亭,隔籬個晨運點比以前有規模咗好多,最驚愈做愈靚,好過政府嗰啲,就一定畀人撲殺,功高蓋主嘛!
  繼續前行,就係無論你由蝴蝶灣或青山寺起步都必經嘅杯靈雙渡路線,呢條路好多人都會用浮沙碎石、窮山惡水去形容,其實呢啲先真正係郊野而唔係公園,冇乜人工修飾,全部都係經大自然力量同埋遊人屐痕去打做嘅地形,入得嚟,就要靠自身能力去應付,唔好寄望有乜設施可以幫到你。
  經良田坳、乾山到圓頭山,已過正午時份,趁有樹蔭,舒舒服服喺度食個午餐,攪掂沿北坡下撤,呢段啲鐵鏈都幫到好多落山嘅人。過電塔,唔落靈渡寺繼續前行,穿港深西部公路橋底上雞伯嶺,落返沙江圍,有間聯益廢校,竟然入到去。最後上埋天水圍山,Benson Lai 喺度守候多時,Q埋兩枝標,落返天恆巴士站,仲夠時間搭車出深水埗食「晚」飯同採購物資。

二零二零年十二月廿八日
屯門騎術學校,龍門路,龍富路,青蝶脊,青山頂,良田坳,乾山,圓頭山(大休),港深西部公路,雞伯嶺,沙江圍,天水圍山,天恆邨巴士總站。(21.0km)

標準
遊記

廟走屯門 (201223Facebook)

  屯門、掃管笏一帶,五座天后廟,一座觀音廟,一座關帝廟,仲有因疫情暫停開放嘅聖廟,加埋啲燈標,天南地北,似足玩定向,咁就玩咗一日。

二零二零年十二月廿三日
屯門湖翠路北,蝴蝶灣望海觀音,319標,屯門海濱花園,屯門避風塘西堤尾189燈標,口角天后古廟,聖廟,青山三洲媽廟,青山灣海濱長廊185燈標,嘉道理碼頭K10燈標,黃金海岸海豚廣場74、75燈標,掃管灘天后古廟,掃管笏關聖帝宮,掃管笏天后古廟,小秀村天后廟,青山公路。(20.3km) 

標準
遊記

千島楓香 (201221Facebook)

  千島湖清景台呢個景點,開張之後未曾到過,雖然同九徑山望落去差唔多,但勝在易行。楓香林日日話好多人,但係入冬以嚟都冇去過,口痕喺朋友面書上留言話好想去,總要找數。
  是日冬至,天文台如常發出寒冷警告,趁屯赤隧道通車前,東涌仲有巴士去大欖涌,的起心肝攜眷去行番轉。非假日巴士客少,搭三個站好快就到屯門公路轉車站,經小欖上水塘,沿途冇乜人,去到麥十掃管笏上嚟個路口先見人流,愈行愈多,好似仲多過疫情前嘅假日。
  上到清景台,人山人海不在話下,各據有利位置攞景,宣示到此一遊,路面沙塵滾滾,仲以爲入咗地盤,衆地勿企,怱怱走人。落返麥十,經過二坳仔同西白虎坳兩座小廟到楓香林,遊人如鯽,雖然唔係漫山紅葉,都可以影餐飽,反正去唔到日、韓賞楓,咪止住咳先囉。落斜去吉慶橋,中途都有啲幾紅嘅,仲唔使同人逼。
  吉慶橋出大欖隧道轉車站,有三個選擇,捨難取易,順便Q埋兩枝標同去埋馬鞍崗座小型天后廟,輕輕鬆鬆到轉車站,又一日行程。

二零二零年十二月廿一日
屯門公路轉車站,小欖,大欖涌水塘,麥十,千島湖清景台,二坳仔,西白虎坳,楓香林,吉慶橋,七渡河,馬鞍崗,大欖隧道轉車站。(15.9km)

標準
遊記

田下魚翁 (201207Facebook)

  儘管疫情嚴峻,都要生活如常,車船聯運由大嶼山去到清水灣半島康城站起步,諗住上釣魚翁,點知峻瀅後山擋土牆維修緊,此路不通。退而求其次,環保大道行過大赤沙上郊遊徑,順路Q埋大赤沙枝標,到頂時見一洋人又喺度影緊枝標,交談之下,原來係同好,不過佢用紙地圖搵標,咁就梗係介紹個網上地圖畀佢啦!傾傾吓,May May Chiang 又係因為封路關係喺相同方向上嚟,傾兩句加合照之後就各奔前程。
  入到郊遊徑向南行,Q埋田下山枝標先去大廟,安心出行碼無孔不入,大廟有不在話下,連公廁都有埋先盞鬼,大廟碼頭有燈標同潮汐站,順便落去睇吓人釣魚。上返大廟坳落布袋澳,好耐冇嚟過,除咗間洪聖宮,其餘冇乜印象,布袋澳咁細,都有兩個有燈標嘅碼頭,有間福德祠,有間廢棄嘅南燊學校,當然仲有好多海鮮酒家。
  下一站大坑墩,長長嘅馬路,都係搵小巴代步,可以慳返啲時間臨尾行出地鐵站。搭咗程車,大坳門去大坑墩就唔覺遠,上到全港最有氣派嘅測量控制點,見人多影唔到相,咪食咗嘢先影囉,冇瓦遮頭,啲人唔捱得幾耐曬太陽啫。搞掂哂續上鵝死雞、大嶺峒,點到即止落返大坳門,跟住上返今朝冇上嘅釣魚翁。
  士多後面上山,為咗慳時間,決定由東脊上,東崖個路口,有心人拉哂尼龍草,提示一般人咪亂闖。上到頂,好多人喺度流連,平日都咁,假日真係不堪想像。人多地方,不宜久留,過埋廟仔墩,接返郊遊徑,孟公屋落坑口站,咁就一日行程。

二零二零年十二月七日
康城站,峻瀅,環保大道,大赤沙,大赤沙脊79M矮標,大赤沙(205M),郊遊徑187M矮標,田下山(273M),大廟,大廟灣碼頭(S14),布袋澳,洪聖宮,布袋澳碼頭(S13),布袋澳二號碼頭(S5),南燊學校,布袋澳小巴站。(9.06km)
大坳門,大坑墩(104M),餓死雞(263M),大嶺峒(291M),大坳門,釣魚翁東脊,釣魚翁(344M),廟仔墩,孟公屋,坑口站。(10.2km)

標準
遊記

銀洲赤洲 塔門高流 (201130Facebook)

  一個肺炎疫情爆到九彩嘅冬日,天氣顯著轉涼,亦無礙扒艇熱情,八個到七個,兩個執雞都唔夠分。七男一女連教練十點前落水,未出發已見白頭浪,教練話出面可能仲會大啲,我回應但願如此。
  有人要簽旅程,行程自然交哂畀佢,今日主題係赤洲,黃石直接來回唔夠數,自然要加啲料,同學仔計劃去埋銀洲。按既定行程,獅地、南風角、棺材角,沿途面對清勁北風,逆風艇速加強風寒效應,一個唔小心,畀啲浪打上身,都幾熬骨,好彩間中有啲陽光,仲頂得住!
  棺材角轉向銀州,唔使頂風頂浪嘞,橫風幫手吹埋海下灣B黃泡,兩個人經磨洲去到銀洲停低等後面,好耐都唔見人到,最後教練快艇埋嚟叫我哋唔使等,佢哋喺磨洲已經轉去赤洲嘞。赤洲旅程,今次係個人扒過嘅最好玩一次,有風有浪,但又可以駕馭得到,可惜咁嘅環境,好難開電話影相,有得有失。
  埋到赤洲,上岸等,好大風,要搵大石避風,見有入滿水嘅艇扒埋嚟,好唔好彩未到就反咗,三隻岸上嘅艇落返水諗住幫手,奈何大風大浪,救艇徒耗體力,唯有拖佢埋岸清艇。冇幾耐,教練陪住另一隻入滿水嘅艇扒埋嚟,呢位做功課嘅艇友好彩,可以自己埋灘,教練可能見佢大大隻又要簽旅程,所以畀個機會佢練習吓。
  艇隻入水事件,主因係防浪裙滲水,平時風平浪靜冇人會發覺,今日就經唔起風浪考驗,加上有人唔覺艇入面有些少水係問題,冇喺小休時及時清走,以致愈入愈多。事後了解,有人用咗私家裙,喺今次事件中完全置身事外。
  搞掂哂回程,風浪細咗好多,食住尾流經孝子角入塔門大休,唔扒曬住都覺凍,又關風事,好彩帶咗件膠衣落艇,可以保吓溫。食完去天后廟影幾張相先落水,高流灣、黃茅角、東心淇返中心已經係例牌,三點七上水,仲要收拾器材,搭四點車好抆,不如慢慢沖涼,喺中心坐多陣,否則又宣佈停開,都唔知幾時再有機會入嚟。

二零二零年十一月三十日。獨木舟旅程
黃石水上活動中心,獅地,南風角,棺材角,海下灣B泡,磨洲,銀洲,赤洲,孝子角,塔門(大休);高流灣,黃茅角,東心淇,黃石水上活動中心。(21.8km)

標準
遊記

龜背土地 狗髀石澳 (201120Facebook)

  莫道君行早,更有早行人,今日赤正高旅,正選身份唔使執雞,慢條斯理九點前到中心以為好早,去完洗手間先報到,竟然係最後一個,八個一早到齊,執雞嘅可以及時引退。
  唔使等執雞,理應好早出發,奈何有隻艇冇咗氣倉個蓋,要搵膠袋封返(中心成日話要注意水上活動安全,但係對器材嘅維護點解咁草率?),搞一輪,耽誤些少,好彩都可以十點前落水。今日風平浪靜,教練唔出快艇扒埋一份,第一站龜背灣。吓!點解唔係出咗去先,返嚟唔夠數再兜內灣㗎?晨早嘥咗啲寶貴光陰,一陣天氣突變返唔到嚟咪死,都唔知乜嘢玩法,不過教練決定,梗有佢嘅理由,只不過我哋啲凡夫俗子參透唔到啫!
  出海前,仲要扒去土地灣,既然如此,梗係埋啲影返幅個人母會(激流會)嘅相先繼續行程。繞過鶴嘴砲台直指狗髀洲,途中有人入咗禁區鶴嘴灣,畀岸上用大聲公嗌走,好彩都冇麻煩。等齊人繼續向石澳進發,去到大頭洲對出海面停低,有人想去埋大浪灣,教練話唔好,係咁就入石澳後灘大休。
  食完嘢有時間,行過藍橋睇吓工程進度,工地圍封咗唔入得,不過梗有自己方法嘅,工程比以前條橋大咗好好多,第日可能成為一個更有規模嘅景點。八完返過後灘,見有滑翔風箏降落,影返幾張相先上艇。
  一點落水,扒過藍橋用另一個角度睇睇單工程先走,去到鶴嘴,冇乜風浪,扒埋雷音洞口影相,不過唔敢入去,驚死!狗髀洲外等齊,下一站去邊?衆議紛紜,教練一錘定音話去隻鑊(大潭頭),收咗指示就走,扒扒吓見唔對路,點解個個都唔係去大潭頭,反而好似返中心咁嘅?
  同大隊距離愈嚟愈遠,唔係嘞,扒返近啲大隊先,去到鶴嘴瀑布對開海面,見佢哋都冇向大潭頭扒嘅意圖,唔理得咁多,自己扒過去啦,可惜冇人一齊,去到大半(距離大潭頭不足一公里),兜過隻貨櫃船算嘞,費事要人搵啦,最後會合埋大隊,齊齊返中心,又係愉快嘅一日!

https://www.facebook.com/media/set/?set=a.10224202610789050&type=3

二零二零年十一月二十日。獨木舟旅程
赤柱正灘水上活動中心,龜背灣,土地灣,鶴嘴砲台,狗髀洲,大頭洲,石澳後灘。(11.9km)
石澳後灘(大休),大頭洲藍橋,石澳後灘。(1.79km)
石澳後灘,大頭洲藍橋,大頭洲,鶴嘴雷音洞,狗髀洲,大潭灣,赤柱正灘水上活動中心。(10.43km)

標準
遊記

大蛇蠄蟧 雞洲大頭 (201116Facebook)

   今日東丫旅程,未落水先刺激,八個位一個提早放棄話唔嚟,康民放返出嚟畀人當日八點半公開後補,但係入創興部車又係開八點半,即係話爭公開後補同執雞都要上車,四個正選三個後補一齊入創興,牌面有位剩,行車途中,公開後補位畀人執咗,入到中心,剩低兩個執雞嘅排隊等九點半,三個位兩個執都好穩陣,點知有人搭的士及時趕到,一額汗,好彩最後再冇人到,皆大歡喜!
  五男三女連教練,一行九人十點出發,天色晴朗,企人石、大蛇灣、蠄蟧灣、蛇灣角,例牌路線沙橋大休。下晝行遠些少,扒過馬頭環,環埋南風洲先返轉頭,有人話想入糧船灣啲魚排行吓,教練冇托手踭 ,跟住就原路回程,去到企人石,教練見時間仲早,建議兜埋大頭洲先返中心,冇人反對之下,咁又可以扒多兩崎。

二零二零年十一月十六日。獨木舟旅程
創興水上活動中心,企人石燈標(183),大蛇灣,蠄蟧灣,蛇灣角,沙橋(大休) ; 馬頭環,南風洲,沙橋頭公眾碼頭(S4),糧船灣碼頭(S10),蛇灣角,蠄蟧灣,大蛇灣,企人石燈標(183),雞洲,大頭洲,大頭洲公眾碼頭(S12),創興水上活動中心。(19.8km)

https://my.viewranger.com/track/details/MTcwMjc4Mjk=
標準
遊記

環鴨脷洲 登玉桂山 (201106Facebook)

   無視艾莎尼在港境外圍蠢蠢欲動,按計劃到聖士提反灣執雞,有人事先張揚唔到,未交錢先攞定艇,唔使臨急臨忙咁踢腳。
  六男一女連教練八人,未夠十點落水,路線向西,銀洲(86)、鴨脷嘴(198)稍歇,跟住龍山排(195)、火藥洲(101)兜返轉頭,避風塘口等齊人。扒艇遊避風塘,真係冇幾何,颱風關係,勁多漁船,偶遇舢舨旅遊艇隻穿梭。過咗橋底,喺珍寶海鮮坊背後睇吓華麗嘅另一面。過黃泥排(199)、南避風塘東堤(130)、西堤(129)後,鴨脷排連島沙堤大休。
  食完午餐利用剩低嘅時間上玉桂山行返轉,山頂(196M)比幾年前多咗舊嘢,縷述二次世界大戰本港淪陷後,一批中、英官兵嘅逃亡經歷,時間緊逼,梗係影低返屋企先睇啦。條路真係好爛,滿途碎石,塵土飛揚,一仆一轆落山,艇友已經落哂水,馬不停蹄又扒過,熨波洲、頭洲到舂坎角,沿途不停站,都係兩點鬆啲,轉入內灣各適其適,扒入卜公碼頭穿過橋底返中心,又盡一日之遊。

二零二零年十一月六日。 獨木舟旅程
聖士提反灣水上活動中心,舂坎角,銀洲,鴨脷嘴,龍山排,火藥洲,香港仔西避風塘,香港仔南避風塘,鴨脷排沙堤(大休),玉桂山頂,鴨脷排沙堤,深水角,熨波洲,頭洲,舂坎角,卜公碼頭,聖士提反灣水上活動中心。(23.9km) 

標準