遊記

千島楓香 (201221Facebook)

  千島湖清景台呢個景點,開張之後未曾到過,雖然同九徑山望落去差唔多,但勝在易行。楓香林日日話好多人,但係入冬以嚟都冇去過,口痕喺朋友面書上留言話好想去,總要找數。
  是日冬至,天文台如常發出寒冷警告,趁屯赤隧道通車前,東涌仲有巴士去大欖涌,的起心肝攜眷去行番轉。非假日巴士客少,搭三個站好快就到屯門公路轉車站,經小欖上水塘,沿途冇乜人,去到麥十掃管笏上嚟個路口先見人流,愈行愈多,好似仲多過疫情前嘅假日。
  上到清景台,人山人海不在話下,各據有利位置攞景,宣示到此一遊,路面沙塵滾滾,仲以爲入咗地盤,衆地勿企,怱怱走人。落返麥十,經過二坳仔同西白虎坳兩座小廟到楓香林,遊人如鯽,雖然唔係漫山紅葉,都可以影餐飽,反正去唔到日、韓賞楓,咪止住咳先囉。落斜去吉慶橋,中途都有啲幾紅嘅,仲唔使同人逼。
  吉慶橋出大欖隧道轉車站,有三個選擇,捨難取易,順便Q埋兩枝標同去埋馬鞍崗座小型天后廟,輕輕鬆鬆到轉車站,又一日行程。

二零二零年十二月廿一日
屯門公路轉車站,小欖,大欖涌水塘,麥十,千島湖清景台,二坳仔,西白虎坳,楓香林,吉慶橋,七渡河,馬鞍崗,大欖隧道轉車站。(15.9km)

標準

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s